Sinalgan usul ("QOIDA")

Abituriyentlik davrimda sinfda hamma test ishlayotgan edi. Ustoz chiqib ketgan paytda yonimdagi bolalar test javoblarini bir-birlariga aytib, javoblarni tekshirayotgan edi. Qarasam, men belgilagan bitta test javobi ularnikidan farq qilayotgan ekan. Adashgan bo‘lsam kerak deb, qayta ishlab ko‘rmasdan ularning variantini belgilab yubordim. Test natijalari chiqqanda qarasam, o‘zim birinchi belgilagan javobim to‘g‘ri ekan. Keyinchalik shunday holatlar yana bir-ikki marta bo‘ldi, shundan keyin ataylab sinab ko‘rishni boshladim.

Shundan so‘ng o‘zim uchun bir qoida o‘ylab topdim: "O‘zimning birinchi javobimni umuman o‘zgartirmayman,xatoligiga 100% ishonchim komil bo'lmasa."

Bu qoidani ko‘p joylarda sinab ko‘rdim — Zakovat o‘yinlarida, imtihonlarda. Do‘stlarimga ham aytdim, ular ham sinab ko‘rishdi. Ko‘pincha birinchi javobim to‘g‘ri chiqardi. Agar xato bo‘lsa ham achinmasdim, chunki o‘z qoidamga amal qilgan bo‘lardim.

Ha, aytgancha, "birinchi javob" degani tavakkal qilib belgilangan javob emas. Bu — o‘ylab ko‘rib, to‘g‘riligiga ishongan holda belgilagan javobimni nazarda tutyapman.
Sizda ham o'z qoidalaringiz bo'lsa yozib yuborishingiz mumkin,bu men uchun qiziq.